ترے قریب ہوئے جب سے اشک بار ہوئے

ترے قریب ہوئے جب سے اشک بار ہوئے
ہزار بار کہاں صد ہزار بار ہوئے

تمہاری بزم میں تارے بھی پر سکوں تھے مگر
یہ اور بات کہ ہم دور بے قرار ہوئے

بقا فنا کی فنا ہی بقا کی راہ بنی
خزاں سے گزرے تو ہم باد نو بہار ہوئے

ملا نہ ہم کو اگر سنگ آستاں کا نشاں
برنگ موج اٹھے راہ کا غبار ہوئے

ہوا تھا حسن ہی خود مائل کرم واصفؔ
وہ اپنی ذات میں مخفی تھے آشکار ہوئے

------------------

tire qarīb hue jab se ashk-bār hue
hazār baar kahāñ sad hazār baar hue

tumhārī bazm meñ taare bhī pur-sukūñ the magar
ye aur baat ki ham duur be-qarār hue

baqā fanā kī fanā hī baqā kī raah banī
ḳhizāñ se guzre to ham bād-e-nau bahār hue

milā na ham ko agar sañg-e-āstāñ kā nishāñ
ba-rañg-e-mauj uThe raah kā ġhubār hue

huā thā husn hī ḳhud mā.il-e-karam 'vāsif'
vo apnī zaat meñ maḳhfī the āshakār hue